இந்திய கம்யூனிஸ்ட் கட்சியின் மூத்த தலைவர்களில் ஒருவரும், சுதந்திரப்போராட்ட வீரருமான தோழர் ஆர். நல்லக்கண்ணு அவர்களுக்கு இந்த ஆண்டு தகைசால் தமிழர் விருது வழங்குவதாக தமிழக அரசு அறிவித்துள்ளது. தகைசால் தமிழர் விருதை பெறவிருக்கும் தோழர் ஆர். நல்லகண்ணு அவர்களுக்கு இந்திய கம்யூனிஸ்ட் கட்சி (மார்க்சிஸ்ட்) மாநில செயற்குழு தனது நெஞ்சார்ந்த வாழ்த்துக்களையும், பாராட்டுதல்களையும் தெரிவித்துக் கொள்கிறது. இந்த விருதை வழங்கிடும் தமிழ்நாடு முதலமைச்சர் திரு. மு.க. ஸ்டாலின் அவர்களுக்கு இந்திய கம்யூனிஸ்ட் கட்சி (மார்க்சிஸ்ட்) தனது நெஞ்சார்ந்த பாராட்டுதல்களை தெரிவித்துக் கொள்கிறது.
கடந்த ஆண்டு சுதந்திரப் போராட்ட வீரும், மார்க்சிஸ்ட் கம்யூனிஸ்ட் கட்சியின் முன்னோடிகளில் ஒருவரும், நூற்றாண்டு கண்ட நாயகர் தோழர் என். சங்கரய்யா அவர்களுக்கு தகைசால் தமிழர் விருது வழங்கியதும், இந்தாண்டு தோழர் ஆர். நல்லகண்ணு அவர்களுக்கு தமிழக அரசு அறிவித்துள்ளதும், இந்திய நாடு 75வது சுதந்திர தினத்தை கொண்டாடவிருக்கும் இத்தருணத்தில் இந்திய விடுதலை போராட்டத்தில் கம்யூனிஸ்ட்டுகள் ஆற்றிய பங்கையும், தியாகத்தையும் போற்றுவதாகும்.
கே. பாலகிருஷ்ணன்
மாநில செயலாளர்
